Sobre a sociedade

UN POUCO DE HISTORIA

A Sociedad Filarmónica Ferrolana naceu en Ferrol no ano 1949, coa vontade de promocionar e divulgar a música clásica, mediante a organización de concertos.

Catrocentos afeccionados constituiron a Sociedade. Redactaron uns estatutos, cumprimentaron os requisitos administrativos oficiais e fixaron unha cota mensual de 10 pesetas. O 7 de outubro de 1949 a Orquesta Sinfónica Municipal de A Coruña deu o concerto inaugural da historia da Filarmónica Ferrolana no Teatro Jofre.

Pouco despois e cun grandíssimo esforzo, a Sociedade comprou un piano Stenway & Sons ¾ cola, por 80.000pesetas. Era un piano feito e Nova York con madeira de palosanto e teclado de marfil , cun son cálido e poderoso… que tivo que ser pagado en varios prazos. A presentación do piano ao público ferrolá celebrouse o 14 de abril de 1950 cun concerto de José Cubiles, o mellor intérprete español naqueles anos. O noso vello Stenway aínda soou nun concerto de Nina Hill & Marcos Coll Band en maio do ano pasado. O pianista do grupo, Christian Rannenberg, pediulle á Sociedad Filarmónica que lle permitise usar o piano pólo seu magnífico son.

Naqueles anos pasaron por Ferrol da man da SFF os mellores intérpretes da escena musical española e europea: Magda Tagliaferro, Christian Ferras, Pierre Barbizet, Gaspar Cassadó, Henryk Szeryng, Nikita Magaloff, Ruggiero Ricci, Nicanor Zabaleta, Alicia de Larrocha, Andrés Segovia, Paul Badoka-Skoda, Narciso Yepes, Natalia Lamas, Teresa Berganza, Jorge Bolet, Montserrat Caballé, Joaquin Achúcarro, Salvatore Accardo, Miguel Zanetti, Ernesto Bitetti, Maria Orán, Eulalia Sole, Lluis Claret...e grandes formacións orquestais de prestixio como o Collegium Musicum de Wiesbaden, a Orquestra de Cámara de Viena, a Orquestra Municipal de Bilbao, a Orquestra Sinfónica de Madrid, I Musici, a Orquestra de Cámara de Berlin, a Orquestra de Cámara de Munich, a Orquestra do Palazzo Pitti.

Citalos a todos é unha empresa colosal. Porén, para salvaguardar a memoria da SFF estamos levando a cabo a elaboración dun catálogo onde se recollen todos os intérpretes e orquestras ou agrupacións musicais que pasaron pola Sociedade dende a súa fundación até hoxe cós programas de man orixinais elaborados para cada un deles.

A Sociedad alcanzou o maior número de socios (840) no ano 1974, cunha cota mensual de 50 pesetas.

A SOCIEDAD FILÁRMONICA E O TEATRO JOFRE

Dende a súa fundación, a historia da Filarmónica está íntimamente unida á do Teatro Jofre. O seu deterioro, na década dos anos 80, fixo que diminuira rapidamente o número de socios. O mal estado de conservación e a falta de condicións de confort, unidos ao precio abusivo do alquiler por parte do propietario, obligou á Filarmónica, no ano 1983, a buscar salas de concerto alternativas (Salón de recepcións do Concello, O salón de actos do entón Instituto Camilo Alonso Vega (hoxe Sofía Casanova); o Centro Cultural Municipal…) para concertos e grupos menores, quedando o Teatro Jofre reservado unicamente para concertos de grandes conxuntos.

En outubro de 1994, o Concello adquiriu o Teatro e, a pesares do seu deficiente estado de conservación, as súas cualidades acústicas e de aforo, aconsellaron á Directiva da SFF continuar a organizar neste espazo toda a súa programación, até xaneiro de 1998, cando pechou definitivamente as portas para a súa restauración.

Dende ese momento, toda a actividade da Sociedad, desenvólvese no Centro Cultural Municipal «Torrente Ballester«, até a reapertura do Teatro, completado o proceso de restauración. O 11 de febrero de 2006, a Orquesta da Escola de Altos Estudos Musicais de Galicia, inaugurou a nova etapa de programación da Filarmónica no Teatro Jofre.

Coa reapertura do Teatro Jofre no ano 2005, a Sociedad cobrou un novo pulo e vitalidade, que se non lle permitiu recuperar aínda as antigas cotas de asociados, pasa xa dos catrocentos e ofrece unha programación anual de arredor de 14 concertos de indudable calidade da man, principalmente de agrupacións galegas como son a Real Filharmonía de Galicia e da Orquesta Sinfónica de Galicia, que copan o 98% da nosa programación.

Hoxe en dia o Concello de Ferrol dispón ademais dun magnífico Auditorio cunhas propiedades acústicas louvadas por quen ten a sorte de coñocelo.

Atrás quedan os anos difíciles, nos que a supervivencia foi posible grazas á fidelidade e tesón dos pouco máis de 200 socios, que soportando adversidades sen número, mantiveron viva a Sociedad.

A Sociedad Filarmónica Ferrolana celebrou no 2016 a celebración de 500 conciertos co mérito de seren a única sociedade ferrolá que mantivo durante 57 anos, sen interrupción a súa programación anual de música clásica.

Salientar que no concerto do 15 de marzo de 2017, o sexteto encabezado por Daniel del Pino no Jofre dentro da programación da Sociedad Filarmónica Ferrolana permitiu disfrutar ao público do sonido dun violín Stradivarius, que durante a actuación tocou o músico Vicente Cueva. Trátase dun instrumento construido polo lutier cremonés Antonio Stradivari en 1961. O violín é coñecido como o “Auer” Stradivari 1961, xa que pertenceu ao insigne violinista e pedagogo Leopold Auer. O instrumento foi cedido polos seus donos, Roger e Huguette Dubois, propietarios do grupo Canimex de Québec, ao mencionado músico para o proxecto discográfico “Shoah” con música de Jorge Grundman e para os posteriores concertos de presentación do mismo. Trátase dunha partita para violín solo en seis movementos composta polo madrileño, cuxos avós morreron no gueto de Varsovia.

Presidentes na historia

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies